’s Semmerl ausfåhr’n wår scho schee
mit’nånder schimp’f üban Schnee,
a wengerl ratsch’n mit eich Leit’ –
ob’s Wetter guat wird, ob’s uns g’freit…….

I tat ganz gern no’ weitermåch’n
nur leider tuat mei Kreiz schier kråchn
wenn i wås heb’; d’Bandscheib’n san hin
und drum i net mehr „d’Bäckin“ bin.

De Hund von eich, de håb i mög’n,
de wer’ i a so båld net seg’n.
Wår’ns brav, wår’ns schlimm, håb’ns leicht wem bissen?
Davon wer’ i går nix mehr wissen.

Doch d’Pitzmanns schau’n auf eichan Hunger,
in’s Gei fåhrt båld a fesche(r), junge(r)?????????
Brot und Gebäck, des kriagts wie immer.
So seid’s ihr z’frieden und i kumm nimmer.